آیریلیق
بس منی سیخدی زمانه اورگیم قان اولدی
سرداشیم اولمادی عالم منه زندان اولدی
اوتورا بیلمدیم ائوده قاپی یا بویلاندیم
بلکه جان صاحیبی بیر لحظه نمایان اولدی
سایدیم اولدوزلاری بیر بیر او قارانلیق گئجه ده
اغلادیم صبحه قدر گوزده کی یاش قان اولدی
هی گوزوم یاشینی توکدیم یوزه هجران گئجه سی
قالدی یوللاردا گوزوم صبر ایوی ویران اولدی
بیر کسیم اولمادی سرداشیم اولا غملی گونوم
قورتارام جانیمی غمدن مگر امکان اولدی
آیریلیقدان باشما گلدی نه لر بولمدون هئچ
سئل کیمی غم توکولوب باشیمه عمان اولدی
تانری چاره م ندی عشقین قوشی باغیمدن اوچوب
بیلیرم گئتدی هارا کیملره مهمان اولدی
بیلمیرم یول اوزاق اولدی کی گلیب چیخمادی یار
یا وفاسیزلیق ایدیب اوزگیه جانان اولدی
یا کی مندن اورگی سیندی داها گلمیجک
یا کی اوز باغلادیقی عهدینه پشمان اولدی
یارین عشقیله گئچدیم گئجه می گوندوزومی
وصلینی آرزیلادیم قسمتیم هجران اولدی
آیری بیر سوز دیمرم ساغلیقینی آرزیلارام
بلکه گلدی یئنه اولده کی دوران اولدی
تقدیم به کسانی که در کویر بی عشقی زمانء تشنه عشق هستند و به آن نرسیدند.تقدیم به انسانهایی که هنوز نتوانستند خود را با زندگی بی روح ماشینی تطبیق دهند و هنوز روح لطیف و حساسی دارند.تقدیم به آنانی که به عشق خود نرسیدند و سوختند.فریاد زدند اما به گوش هیچ کس نرسیددلنوشته ها و شاید تجربه های خود را در این مورد دریغ نکنید.